Филолошкиот факултет при Универзитетот „Гоце Делчев“ активно гради партнерства со универзитети, институции и компании на национално и меѓународно ниво. Оваа соработка обезбедува квалитетна едукација за студентите, им овозможува учество во истражувачки проекти и создава можности за практична обука. Факултетот, преку Еразмус+ и други програми за размена, им нуди на студентите и наставниот кадар можност за меѓународна мобилност и професионален развој.
Меѓународна соработка
Во рамките на воспоставените меѓународни партнерства, на студентите и вработените на УГД им се овозможува учество во проекти и обуки на странски универзитети, што им помага да стекнат значајно знаење и искуство. УГД е универзитет со над 400 меѓуинституционални договори и во тек на академската година има размена на повеќе од 300 дојдовни студенти и 50 лица како наставен и административен кадар.
За повеќе информации за меѓународната соработка, посетете: ugd.edu.mk/za-ugd/sorabotka/.
Еразмус+ програма
Во рамките на УГД веќе долги години успешно се реализира и програмата Еразмус+, која е проект на Европската Унија во областа на високото образование и која овозможува соработка и размена на студенти и кадар помеѓу партнерски универзитети во Европа.
Размена на студенти:
Програмата е наменета за сите редовно запишани студенти на УГД што имаат завршено најмалку 2 семестри од студиите, имаат постигнато солиден успех и имаат познавање на англискиот јазик. Студентската размена можат да ја реализираат во еден од партнерските универзитети, чија целосна листа може да се најде тука, а студиската размена може да се реализира во период од 6 или 12 месеци. Во рамките на Еразмус+ програмата нудиме и програма на англиски јазик и активности за странските студенти што доаѓаат на размена на УГД.
Размена на вработени:
Наставниот кадар на Универзитет „Гоце Делчев“ преку Еразмус+ програмата има можност за мобилност, која може да се оствари на еден од странските Универзитети со кои УГД има склучено договор за соработка. Мобилноста за вработените е во времетраење од една недела и може да биде остварена во форма на предавања или обука. Со цел оваа програма да биде подобро промовирана пред студентите, УГД во текот на годината постојано организира информативни денови и состаноци со претставници од Националната агенција.
Дополнително, сите потребни информации можете да ги добиете на следниот линк: cmus.ugd.edu.mk
Листа на соработници на Филолошки факултет
Ambassade de France à Skopje ( La France en Macédoine du Nord )
Goethe-Institut Nordmazedonien ( Северна Македонија | Јазик. Култура. Германија)
Österreichische Botschaft Skopje ( Австриска амбасада Скопје – BMEIA – Außenministerium Österreich )
Ambasciata d`Italia Skopje ( Ambasciata d’Italia Skopje – Sito Ufficiale Ambasciata d’Italia a Skopje )
Институт Данте Алигиери, Скопје ( Ladante )
ООУ „Гоце Делчев“ – Штип ( ООУ Гоце Делчев – Штип )
СОУ Гимназија „Славчо Стојменски“ – Штип ( СОУ Гимназија „Славчо Стојменски“ – Штип )
Руски центар Македонија ( Почетна – Руски центар Македонија )
Турски центар „Јунус Емре“ ( Yunus Emre Enstitüsü – Kuzey Makedonya (@yeeuskup) • Instagram photos and videos )
Амбасада на Република Турција во Скопје ( T.C. Dışişleri Bakanlığı – Амбасада На Република Туркије Во Скопје )
Институт за македонски јазик „Крсте Мисирков“ ( Институт за македонски јазик „Крсте Мисирков“ )
Институт за македонска литература – ИМЛ ( Институт за македонска литература – ИМЛ )
ЈУ Градска библиотека „Браќа Миладиновци“ – Скопје (ЈУ Градска библиотека “Браќа Миладиновци” – Скопје )
Друштво на писателите на Македонија ( Друштво на писателите на Македонија – Друштво на писателите на Македонија )