Home
Групата за италијански јазик и книжевност при Филолошкиот факултет на Универзитетот „Гоце Делчев“ во Штип, во соработка со Амбасадата на Република Италија во Република Северна Македонија и Универзитетот за странци во Сиена, Италија, организира Обука за професори по италијански јазик на тема Примена на пристапот „Linguistic Landscape“ во наставата по италијански јазик како странски: теоретски и апликативни аспекти.
Обуката ќе ја води проф. д-р Карла Бања, редовен професор на Катедрата за хуманистички студии при Универзитетот за странци во Сиена. Обуката ќе се одржи на 21 и 22 февруари 2025 г. преку онлајн платформата Google Meet, а ќе учествуваат професори кои предаваат Италијански јазик и Италијанска книжевност на универзитетите во Република Северна Македонија.
