Home

Филолошкиот факултет при Универзитетот „Гоце Делчев“ – Штип, на 21 и 22 февруари 2025 година, организираше Обука за наставници по италијански јазик и книжевност, со поддршка на Амбасадата на Република Италија во Скопје.

Обуката ја водеше проф. д-р Карла Бања, редовен професор по Дидактика на современи јазици и Лингвистика на Катедрата за хуманистички студии при Универзитетот за странци во Сиена, Италија.

Во текот на двете сесии, учесниците имаа можност да ги продлабочат своите знаења на тема „Примена на пристапот „Linguistic Landscape“ во наставата по италијански јазик како странски: теоретски и апликативни аспекти“.

Обуката се одржа онлајн преку платформата Google Meet, а учесниците активно се вклучија во дискусиите и се потрудија да ги применат новостекнатите знаења во интерактивни практични вежби.

💡 Благодарност до сите што учествуваа и што придонесоа за успешна и продуктивна обука!

📌 Катедра за италијански јазик и литература
📌 Универзитет „Гоце Делчев“ – Штип