На 22.3.2022 г. се одржa вебинар на тема „Зборообразувачки модели: германско-македонски паралели“ во организација на Катедрата за германски јазик и книжевност и Катедрата за македонски јазик и книжевност.

На ден 30.3.2022 г., се одржа вебинар на тема „Најчести морфолошки и синтаксички грешки во академско пишување“ организиран од страна на доц. д-р Сашка Јовановска и доц. д-р Натка Јанкова Алаѓозовска, од Катедрата за англиски јазик и книжевност.

Катедрата за италијански јазик и книжевност, со поддршка на Амбасадата на Р. Италија во Скопје, го одбележува Денот посветен на Данте Алегиери со читање на стиховите на Данте на осумте јазици коишто се изучуваат на Филолошкиот факултет: англиски, германски, италијански, македонски, руски, турски, француски и шпански.

На 31 март 2022 г. Филолошкиот факултет ја одбележа 100 годишнината од раѓањето на големиот италијански писател Бепе Фенољо со книжевна средба за студентите од Катедрата за италијански јазик и книжевност на тема „Картографски подвиг на Милтон во Приватно прашање“.

Во чест на месецот на жената и јубилејот 15 години УГД, Универзитет којшто силно ја поддржува еманципацијата на жената во општеството, Филолошкиот факултет одржа вебинар на тема: „Жената во фразеолошкиот корпус на македонскиот, германскиот, англискиот, италијанскиот, шпанскиот и турскиот јазик“.

Катедрата за италијански јазик и книжевност на Универзитетот „Гоце Делчев“ во Штип со поддршка на Амбасадата на Италија во Скопје, на 17 и 18 март 2022 година, организираше Обука за усовршување на професори по италијански јазик и литература.