По повод 3 октомври – Денот на германското единство, Амбасадата на Германија во РМ организираше свечен прием на кој беа поканети многубројни гости од политиката, стопанството, културата и од дипломатскиот кор во Република Македонија.

Деканката на Филолошки факултет во Штип, доц. д-р Драгана Кузмановска, имаше можност да разговара со амбасадорот на Германија во РМ, како и со претставниците од другите асоцијации чија дејност е поврзана со промовирање на германскиот јазик и германската култура во Република Македонија. Од разговорите произлегоа можности за подлабока соработка и интегрирање на Филолошки факултет при УГД во нивните проекти.

Амбасадорот Герберих во своето поздравно обраќање ги истакна разновидните и блиски односи меѓу Германија и Македонија.