Денот на германското единство - 3 октомври беше одбележан во Штип во организација на Катедрата за германски јазик и книжевност на Филолошкиот факултет во Штип.

Како дел од манифестацијата беше предавањето на тема „Обединувања и поделби на Германија“, кое го одржа еминентниот проф. д-р Петер Рау, Германец, кој несебично работи на афирмацијата на македонската култура и литература во Германија.

Интересот за присуството на настанот беше огромен, а овој искусен и научно докажан професор успеа  на уникатен начин присутните студенти, ученици, наставници, професори и асистенти да ги прошета низ историјата на Германија.