На покана на Катедрата за македонски јазик и книжевниот клуб „Кула“ од Филолошкиот факултет при УГД - Штип, во библиотеката на Филолошки факултет писателот за деца и млади Киро Донев одржа средба и работилница со студентите од Факултетот.

- Оваа средбата е организирана во вид на предавање и книжевно-креативна работилница на тема „Хуморот во книжевноста за деца“, а за темата ќе се разговара низ примери од книгата „Киндер квачка“ од Киро Донев - изјави проф. д-р Јованка Денкова.

Писателот Киро Донев истакна дека ова е одлична можност за студентите да се сретнат со писателот и дека му е задоволство да разговара на оваа тема поврзана со хуморот.

- Студентите се млади и имаат време за нервози и проблеми. Сега е навистина време да се смеат и навистина е време за хумор - рече меѓу другото Донев.

Настанот се одржа во Кампус 4 на УГД, а присутни беа голем број на студенти кои книгата на Донев ја имаат како задолжителна литература во текот на нивните студии.