Оваа година на 18 и 19 октомври се одржа Шестата меѓународна конференција ФИЛКО - филологија, култура и образование, организирана од Филолошкиот факултет при Вороњешкиот државен универзитет од Вороњеж, Русија и Филолошкиот факултет при Универзитетот „Гоце Делчев“ во Штип.

На Конференцијата учествуваа над педесет излагачи, професори, научници и истражувачи од: Русија, Македонија, Бугарија, Босна и Херцеговина, Србија, Грузија и Австрија. Распоредени во два работни дена, учесниците презентираа реферати на актуелни теми, теми од областа на филологијата, образованието и културата, како и теми што се однесуваат на проблемите за учење на далечина. И покрај пандемијата и неможноста за организирање на Конференцијата со физичко присуство, сепак таа се одржа со посредство на онлајн-платформата ЗУМ.

Излагањата и трудовите на учесниците на Конференцијата ќе бидат објавени во електронски зборник.