-
Создадено: Вторник, 28 Јануари 2025
Почитувани колеги,
Ве покануваме да учествувате на 27. Меѓународен симпозиум на турската култура што ќе се одржи на 7 мај 2025 година на Филолошкиот факултет при Универзитетот „Гоце Делчев“ – Штип.
Симпозиумот го организира Здружението „ХИД БАХ ШЕН ФЕСТ – Чалакли“ - Валандово, со поддршка на Институтот за истражување на народната култура во Анкара, Република Турција, заедно со Филолошкиот факултет при Универзитет „Гоце Делчев“ – Штип.
Фестивалот „Пролетни веселби ХИД БАХ ШЕН ФЕСТ – Чалакли“ - Валандово е првиот официјален фестивал на турската заедница во Македонија. Во рамките на програмата на Фестивалот, на 7 мај 2025 година (среда) во предавалните на Филолошкиот факултет при Универзитет „Гоце Делчев“ во Штип ќе се одржи 27. Меѓународен симпозиум на турската култура.
Пролетното прославување ХИДРЕЛЕЗ во декември 2017 година се впиша во Репрезентативната листа на УНЕСКО за нематеријалното културно наследство на човештвото на Конгресот на УНЕСКО во Јужна Кореја.
Меѓународниот симпозиум има за цел да се зајакнат и развијат постојните културни врски помеѓу турскиот народ и македонскиот народ и останатите етнички заедници во РС Македонија.
За учество на Симпозиумот се покануваат научници, универзитетски професори, наставници во основно и средно образование, преведувачи, вработени во библиотеки, докторанди и магистранди.
Сите реферати што ќе се прифатат ќе се објават во електронски зборник на трудови.
ТЕМИ НА СИМПОЗИУМОТ
- Пролетното прославување ХИДРЕЛЕЗ.
- Турски јазик, турска книжевност, турски фолклор и турска култура.
- Пролетни веселби, празници, верувања и обичаи кај турскиот народ.
- Турската култура на Балканот.
- Слични верувања, обичаи и празнувања кај турскиот народ и другите народи во Северна Македонија (Хидрeлез, Ѓурговден и др.).
- Меѓусебни влијанија на турската култура и на културата на другите заедници во Северна Македонија.
- Контрастивни турско-македонски и македонско-турски истражувања од областа на јазикот, книжевноста, фолклорот и културата.
- Општи теми од областа на јазикот, книжевноста, методиката, преведувањето, образованието и културата.
Работни јазици на Симпозиумот: македонски јазик и турски јазик.
Пријавата, апстрактите и статиите се испраќаат на: Оваа е-адреса е заштитена од спамботови. Треба да ви е овозможено JavaScript за да ја видите. (CC Оваа е-адреса е заштитена од спамботови. Треба да ви е овозможено JavaScript за да ја видите.; Оваа е-адреса е заштитена од спамботови. Треба да ви е овозможено JavaScript за да ја видите.) 00389 78 215 044 Оваа е-адреса е заштитена од спамботови. Треба да ви е овозможено JavaScript за да ја видите. (CC Оваа е-адреса е заштитена од спамботови. Треба да ви е овозможено JavaScript за да ја видите.) 00389 70 749 831.
Време за излагање и дискусија: 15 минути.
Рефератите со кои ќе се учествува на Симпозиумот треба да се резултат на оригинално истражување, да обезбедуваат дискусија во рамките на научните критериуми и да не се претходно објавени / презентирани.
Рефератите ќе бидат објавени во електронски зборник по одржувањето на Симпозиумот. Рефератите треба да бидат долги до 10 страници во Б5 формат.
Учесниците на Симпозиумот сами ги сносат трошоците за пат и престој.
Секој што сака да учествува на Симпозиумот треба приложениот формулар да го пополни, да напише резиме на македонски или турски јазик (не повеќе од 250 зборови) и да го прати најдоцна до 1 март 2025 година на приложените електронски пошти. Пријавите што ќе се добијат по наведениот датум нема да бидат разгледани.
Рок за поднесување на пријавите и апстрактите: до 1 март 2025 година.
Известување за прифаќање на апстрактите: до 15 март 2025 година.
Краен рок за поднесување на рефератите за објавување во зборник на трудови: 1 јули 2025 година.
Раководство на организацискиот одбор
Почесен претседател на фестивалот: проф. д-р Ирфан Унвер НАСРАТИНОГЛУ.
Претседател на Фестивалот: доц. д-р Шенол ТАХИР.
Претседатели на Симпозиумот: проф. д-р Луси КАРАНИКОЛОВА-ЧОЧОРОВСКА, проф. Селами ТАХИР.
Контакти:
Селами Тахир 00389 78 215 044
Ивана Велкова 00389 70 749 831
