Во рамки на неделата за меѓународна размена Teach and Connect на Универзитетот во Кан, Нормандија, Република Франција, продеканката на Филолошкиот факултет, проф. д-р Ева Ѓорѓиевска, ги посети катедрите за применети јазици, компаратистика, славистички студии и италијанистика и одржа неколку работилници и предавања за студентите на додипломски и мастер студии.

Еразмус + студискиот престој беше можност да се претстават и изданијата на Филолошкиот факултет во Штип, да се обноват договорите со Нормандија, како и да се согледа значењето на франкофонијата при интердисциплинарно изучување на филолошките науки во земјава и во странство.