Филолошкиот факултет при Универзитет „Гоце Делчев“ – Штип на 2.10.2025 година ги пречека новите студенти и го означи официјалниот почеток на академската 2025/2026 година.

Деканката проф. д-р Луси Караниколова-Чочоровска им посака топло добредојде на студентите и одржа инспиративен говор за значењето на ова поглавје од нивниот академски живот, како и за важноста на образовниот процес во целина.

Продеканката проф. д-р Ева Ѓорѓиевска ја презентираше организацијата на наставниот процес на факултетот и ја образложи структурата на новите студиски програми од 2025/2026 г. Потоа ги информираше студентите за дигиталните предности што ги нуди Универзитетот (е-индекс, е-библиотека, е-учење) и можностите за меѓународно студирање преку размена (Erasmus+, ACE2).