Катедрата за англиски јазик и книжевност на Филолошкиот факултет организираше работилница „English Through the Ages“, со Фулбрајт стипендистот Џереми Каман.

Овој настан беше во знак на одбележување на Денот на англискиот јазик, 23 април, но истовремено и ден кога е роден и кога починал Вилијам Шекспир.

- Одлучивме да направиме еден официјален настан со нашиот Фулбрајт стипендист Џереми Каман, кој ни помагаше во наставата во претходниот семестар. Денешната работилница со студентите е поврзана, покрај со англискиот јазик, и со денот на раѓањето и на смртта на Вилијам Шекспир. Одлучивме да зборуваме за еволуцијата на дијалектите во англискиот јазик. Имаме интерес од студентите за изучување на англискиот јазик, иако сметаат дека веќе го научиле, а сепак им треба теоретско потковување кое секако можат да го добијат кај нас, на Катедрата за англиски јазик и книжевност при Филолошкиот факултет на УГД. Задоволни сме од интересот на студентите за ваквите работилници, секако и за оваа. Станува збор за Фулбрајт стипендист кој е нативен говорител, кој е роден во САД, имаше многу интересни часови со него и затоа одлучивме дека е важно да направиме нешто надвор од наставата, што се покажа како исклучително интересно за студентите, интерактивно, не класично предавање – изјави проф. д-р Натка Јанкова-Алаѓозовска од Катедрата за англиски јазик и книжевност.