По повод 20 април, денот на упокојувањето на современиот македонски поет Ацо Шопов, во НУУБ „Гоце Делчев" - Штип се одржа манифестацијата „Во чест на поетот".

Со поетски рецитал од поетот Шопов во оваа активност се вклучија Верица Милорадова и Ана Рувиноска, студентки во прва година на Катедрата за македонски јазик и книжевност на Филолошкиот факултет при Универзитетот „Гоце Делчев“ - Штип. Учествуваа и ученици од основните и од средните училишта во Штип.

Манифестацијата беше во организација на НУУБ „Гоце Делчев“ - Штип, а се одржа во просториите на Роднокрајното одделение што го носи името на Ацо Шопов.