Kнигата „Методи на наставата по странски јазик“ (“Methoden des fremdsprachlichen Deutscunterrichts"), преведена на македонски јазик од проф. д-р Валентина Илиева од Универзитетот „Св. Климент Охридски“ во Битола, беше промовирана на Филолошкиот факултет при Универзитет „Гоце Делчев“ – Штип. Книгата „Методи на наставата по странски јазик“ е учебно помагало кое за првпат се преведува во Република Македонија.

По повод 3 октомври – Денот на германското единство, Амбасадата на Германија во РМ организираше свечен прием на кој беа поканети многубројни гости од политиката, стопанството, културата и од дипломатскиот кор во Република Македонија.

На 7 септември 2017 год. проф. д-р Аднан Исмаили и проф. д-р Марија Леонтиќ имаа работна средба на која се разговараше за настанокот и развојот на двете катедри – Катедрата за ориенталистика при Државниот универзитет во Тетово и Катедрата за турски јазик и книжевност при УГД.

Денот на германското единство - 3 октомври беше одбележан во Штип во организација на Катедрата за германски јазик и книжевност на Филолошкиот факултет во Штип.

Ајшенур Карадут, Ајдан Алтан, Шериф Давулџу, Мехмет Ѓол и Еркул Ахметоглу од Република Турција во краток временски период успешно ги одбранија своите дипломски работи на Групата за турски јазик и книжевност на Филолошкиот факултет при Универзитет „Гоце Делчев“.

Групата за турски јазик и книжевност при Универзитетот „Гоце Делчев“, која едуцира идни наставници по турски јазик и книжевност и преведувачи од турски на македонски јазик и од македонски на турски јазик, секоја година благодарение на проектот „Туркологија“ испраќа неколку студенти во Турција на Летната школа на Институтот „Јунус Емре“ – турски културен центар.