Излезе ново издание на студентското списание „КУЛА“, во кое се испишани актуелните случувања во рамките на Филолошкиот факултет.

Студентите од Катедрата за италијански јазик и книжевност, наставниците и деканката на Филолошкиот факултет проф. д-р Драгана Кузмановска, на покана на Амбасадата на Италија, на 13 април 2022 г., се запознаа со претседателот на Долниот дом на италијанскиот парламент.

Студентите од Катедрата за англиски јазик и книжевност, на 5 и 6 април 2022 година, имаа можност да ги следат предавањата на тема „Beau Brummell’s Dandy and the Notion of Masculinity” и „How to be a Gentleman? – from Medieval Knighthood to Samuel Smile’s Self-Help Prescription“ од проф. Анна Антонович од Универзитетот „John Paul II Catholic“ – Љублин, Полска.

Студентите од Катедрата за турски јазик и книжевност, на 18 април 2022, имаа можност да го проследат предавањето на доц. д-р Ајсун Демирез од Универзитетот „Хаџи Бајрам Вели“ – Анкара, Р. Турција, на тема „Ефектот на промената на општествените, политичките и социјалните услови врз турскиот речник: Чума, Covid 19 пример“.

Филолошкиот факултет при Универзитетот „Гоце Делчев“ Штип во соработка со Europe House, Струмица, на 14 април, организираа две работилници на тема: „Учењето странски јазици – влог во иднината“.

Меѓународниот ден на литературата за деца - повод за прекрасна дружба на македонистите со авторот за деца, м-р Трајче Кацаров.